الارز بالخلطة وسر مكوناته

السلام عليكم
اعتقد ان مفيش بيت فى مصر مش بيعملو
بس بصراحه بيختلف نكهته من بيت لبيت حسب التوابل المستخدمه
وانا بصراحه عملت اكتر من نوع للرز بالخلطه وكلهم الحمدلله طعمهم كويس
بس مكنتش وصلت للطعم اللى دوقته فى الفنادق
ولما كنت بروح كارفور او هايبر كنت بروح قسم الاكلات الجاهزه واسأل الشيف على التوابل المستخدمه
كانوا كلهم بيقولولى القرفه
وعملته بالقرفه وبرضه مدانيش الطعم المطلوب
دوخه مش كدا
هههههههههههههه

مكنتش اعرف ان السر فى مكون واحد بس موجود فى كل بيت وهو ………….

تعالو نشوف مع بعض

اول نغسل كويس نصف كيلو كبد ونبشر بصله صغيره مع الفلفل والملح و قليل من الزيت على النار
ونتركه حتى ينضج ونتركه جانبا

نحضر شويه لوز ونضع عليه الماء المغلى ويترك قليلا ويقشر ويقسم نصفين

ثم نضعه فى الفرن الى ان يتحمص

ننقع كوب من الارز البسمتى فى الماء لمده ربع ساعه

ثم يصفى جيدا ويشوح قليلا فى الزيت او الزبد

ثم نضع ملعقه من الصلصه ( تخيلو هو ده السر وموجود عندى على طول ومش عارفه)
ويشوح قليلا

ثم نضع ملعقه من القرفه

ونضع الشوربه او المرقه

وبعدين الزبيب واللومى

ويترك ليغلى ثو اخفضى النار ويترك لينضح
وده بيكون شكله

ثم يقدم هكذا

بالف هنا وشفا
لا تنسونى من خالص دعائكم
ولا تنسو تقييم الموضوع
مع تحياتي

شكرا اماني على الموضوع

شكرا على المرور الرائع و المميز نورت صفحتي
مشكووووووووور